Габделфәт Сафин: юрамалар арасында аерма

[[Кырлай урта мәктәбе]]н тәмамлаганнан соң Габделфәт Сафин [[Казан төзүче–инженерлар институты]]на укырга керә. Аны тәмамлагач төзүче-инженер белгечлеге буенча биш ел төзелештә эшли. Ләкин Габделфәт төзүче булмыйча, ә артист булып китә. «Ак күлмәгем» (И. Дәүләтшин муз., [[Шәмсия Җиһангирова|Ш. Җиһангирова]] сүз.) җыры аңа зур популярлык китерә. Аннан яңа җырлар, көтеп алынган альбомнар, шау-шулы җырлар, зур исемнәр… Габделфәт Сафин 20 альбом чыгара, 200дән артык җыр башкара, [[Татарстан]]да, [[Мәскәү]]дә, [[Санкт-Петербург]]та, [[Себер]]дә, [[Пермь]]дә, [[Ижау]]да, [[Сарытау]]да, [[Йошкар-Ола]]да, [[Башкортстан]] шәһәрләрендә, [[Чиләбе]]дә, [[Екатеринбург]]та, [[СамараСамар]]да һәм башка күп шәһәрләрдә концертлар бирә.

[[2001 ел]]ның [[23 февраль|23 феврален]]дә [[Татарстан президенты|Татарстан республикасы Президенты]] указы нигезендә, Габделфәт Габдрахман улы Сафинга татар музыкаль-эстрада сәнгате өлкәсенә керткән өлеше өчен «[[Татарстанның атказанган артисты]]» дигән мактаулы исем бирелә.

Габделфәт Сафин бүгенге көндә уңышлы эшләп килүче эшмәкәр дә. Менә инде берничә ел ул нәшрият эше белән шөгыльләнә. Аның шәхси [[«Акчарлак» газетасы]] Татарстанда иң күп укылучы милли газета булып санала.