Симон Көрәшүче

Симон Көрәшүче, яки Көрәшүче Шимун, яки Симон Кананит (Зелот) (грек. Σίμων ο Κανανίτης — Гайсә Мәсихнең унике апостолының (шәкертенең) берсе.

Апостол Симон Көрәшүче
Туган телдә исем	Шимун Кананит (Зелот)
Туган	I гасыр Кана Галилейская[d]
Үлгән	107 Пелла, Ирбид[d], Үрдүн
Үлем сәбәбе	Распиливание[d]
Милләт	яһүди
Һөнәре	вәгазьче
Ата-ана	Мария Клеопова[d] (әни)
Апостол Симон Көрәшүче Викиҗыентыкта

Инҗилләрдә

Инҗилләрдә Көрәшүче Симон турында мәгълүмат бик аз бирелгән. Аның исеме Маттай (10:4), Марк (3:18), Лүк (6:15) Инҗилләрендә һәм Рәсүлләрнең эшләре (1:13) китабындагы апостоллар исемлегендә китерелә. Шимун Петрдан аерыр өчен, аны Шимун Зилот яки Шимун Кананит дип атыйлар. Яңа Гаһедтә бу апостол турында башка хәбәрләр юк. Зилот кушаматын исә кайвакыт яһүди милләтчеләре (зелотлар) белән бәйләп аңлаталар.

Риваятьләрдә

Риваять буенча, апостол Симон Яһүдәя, Мисыр, Абхазия һәм Либиядә христианлык тарата. Ул Яһүд Фаддей белән Фарсы илендә дә дәгъвәт белән шөгыльләнгән булырга мөмкин.

Симонның Британиядә булуы хакында легендар мәгълүматлар сакланган.

Изге риваять буенча, апостолны Кавказ җирләрендә тереләй пычкы белән кисеп үтерәләр. Никопсия исемле шәһәрдә җирләнгән, дип санала.

Хәтер

Православ чиркәвендә 10 майда һәм 30 июньдә (Унике апостол җыенында), католикларда 28 октябрьдә хәтер бәйрәмен үткәрәләр.

Сылтамалар

• Викиҗыентыкта [[Commons:Category: Saint Simon Викиҗыентыкта|Симон Көрәшүче]] темасына медиафайллар бар
• Изге Апостол Симон (рус.)
• Шимун Көрәшүче гыйбадәтханәсе (рус.)