Гали Ибраһимов (1919)
Гали Ибраһимов, Гали Гыйздетдин улы Ибраһимов (баш. Ғәли Ғизетдин улы Ибраһимов, 1919 елның 16 гыйнвары, РСФСР, Уфа губернасы, Стәрлетамак — 1989 елның 26 ноябре, ССРБ, РСФСР, БАССР, Уфа} — язучы. ССРБ язучылар берлеге әгъзасы (1957 елдан). РСФСР (1979), БАССР (1969) атказанган мәдәният хезмәткәре, Салават Юлаев премиясе лауреаты (1983)
| Гали Ибраһимов Ғәли Ибраһимов | |
|---|---|
 Гали Ибраһимов | |
| Тугач бирелгән исеме: | Гали Гыйздетдин улы Ибраһимов |
| Туу датасы: | 16 гыйнвар 1919 |
| Туу урыны: | РСФСР, Уфа губернасы,Стәрлетамак |
| Үлем датасы: | 26 ноябрь 1989 (70 яшь) |
| Үлем урыны: | ССРБ, РСФСР, БАССР, Уфа |
| Ватандашлык: |  РСФСР→ ССРБ |
| Эшчәнлек төре: | язучы |
| Иҗат итү еллары: | 1940-1989 |
| Юнәлеш: | проза |
| Жанр: | роман, повесть, хикәя |
| Иҗат итү теле: | башкорт теле |
| Дебют: | «Бәхетле гомер» (1940) |
| Премияләр: |  (1983) |
| Бүләкләр: |    |
Тәрҗемәи хәле
үзгәртү1919 елның 16 гыйнварында Стәрлетамакта туган. Башлангыч мәктәпне Стәрлетамакта, урта мәктәпне Ишембайда бетергән. Уфада педагогия рабфагын (1939), Уфа педагогия институтын (1951), Мәскәүдә югары әдәби курсларны (1959) тәмамлый. 1939 елдан Ерак Көнчыгышта хәрби хезмәт үтә.
Бөек Ватан сугышында
үзгәртүБөек Ватан сугышында катнаша. I дәрәҗә Ватан сугышы, Кызыл Йолдыз орденнары белән бүләкләнә.
Сугыштан соң Ишембайда нефть техникумында инглиз телен укыта. «Совет Башкортстаны» газетасында әдәби хезмәткәр, бүлек мөдире; 1959 елдан башлап «Агыйдел» журналында җаваплы сәркатип.
Иҗаты
үзгәртүӘдәбиятка журналистикадан килә. 1935-1937 елларда «Башкортстан вышкасы» газетасында беренче шигырьләрен бастыра. 1940 елда «Бәхетле гомер» шигырьләр җыентыгы чыгара (Әхмәт Шакири белән берлектә). Сугыш каһарманнарына багышланган «Бер полк кешеләре» (1956), дилогия: «Умырзая» (1968) , «Ай битен юганда» (1972) романнары, «Кинҗә» трилогиясе (I китап, 1982, II китап, 1987, III китап, 2003 ), «Яшен ташы» (1962), «Идел егете Илгуҗа» (1964) повестьлары авторы. Кинҗә Арслановка багышланган «Кинҗә» романы буенча нәфис фильм (1988) төшерелгән (реж. Әмир Абдразаков).
Бүләкләре, мактаулы исемнәре
үзгәртү- Салават Юлаев премиясе (1983) - «Кинҗә» (I китап, 1982) романы өчен.
- «Хөрмәт билгесе» ордены
- I дәрәҗә Ватан сугышы ордены
- Кызыл Йолдыз ордены
- РСФСР атказанган мәдәният хезмәткәре (1979)
- БАССР атказанган мәдәният хезмәткәре (1969)
Кызыклы факт
үзгәртүСтепан Злобинның «Салават Юлаев» романындагы хатаны төзәтү максаты белән, «Кинҗә» романын язарга алына: романда Кинҗә Арсланов Салаватның яшьтәше итеп бирелгән, чынлыкта Кинҗә Салаваттан ике тапкыр өлкәнрәк, старшина булган тарихи шәхес.[1]
Әдәбият
үзгәртү- Хикәяләр һәм повестьлар. (С. Сафуановның баш сүзе белән), Уфа, 1969.(башк.)
- Г. Хөсәенов. Тарих һәм тарихи роман. «Агыйдел», 1978, № 9.(башк.)
- Совет Башкортстаны язучылары (биобиблиографик белешмәлек). Уфа, 1988. (башк.)
Сылтамалар
үзгәртү- башка чыганаклар
- Китап-Уфа сайты 2016 елның 7 март көнендә архивланган.(рус.)
- Күгәрчен районы китапханәсе(рус.)
- Башкортстан (белешмәлек)(рус.)