Anatoliy Petuxov (yazuçı)
Anatoliy Petuxov, Anatoliy Vasiliy ulı Petuxov (veps. Anatolii Vasil'jevič Petuhov, rus. Анатолий Васильевич Петухов; 1934 yılnıñ 2 noyäbre, SSRB, RSFSR, Vologda ölkäse, Şimozero) — sovet häm Rossiä yazuçısı, milläte buyınça veps. Rus häm veps tellärendä yazğan; berençe veps professional’ ädäbiätçısı bulğan. Rossiä xalıq deputatı, Rossiä Yuğarı Sovetı äğzası (1990—1993). Rossiä Xalıqlar Duslığı ordenı kavalerı (1994)[1].
| Anatoliy Petuxov veps. Anatolii Vasil'jevič Petuhov rus. Анатолий Васильевич Петухов | |
|---|---|
 | |
| Tuu datası | 2 noyäber 1934 |
| Tuu cire | Şimozero, Vologda ölkäse, RSFSR, SSRB |
| Watandaşlığı |  SSRB Rossiä |
| Ülem datası | 30 avgust 2016 (81 yäş) |
| Ülem cire | Vologda, Rossiä |
| Büläk häm premiäläre |  |
Tärcemäi xäle үзгәртү
1934 yılda Vologda ölkäseneñ Şimozero veps awılında uqıtuçı ğailäsendä tuğan. 1953 yılda Belozersk pedagogiä uçilişçesın häm SBKF Üzäk Komitetı qarşındağı Leningrad yuğarı firqä mäktäbeneñ jurnalistika bülegen tämamlağan. Beleme buyınça — uqıtuçı häm jurnalist.
1953 yıldan Çerepovets şähäre, Omsk häm Vologda ölkäläre gazetalarında jurnalist bulıp eşlägän. 1965 yıldan Vologdada yaşägän.
Vologda matbuğatında A. V. Petuxovnıñ xikäyäläre häm şiğerläre berençe tapqır 1950 yıllar urtasında basılğan. Petuxovnıñ berençe kitabı — «Leşak» — 1966 yılda bastırğan. Professional’ räweştä yazuçı eşçänlege belän 1968 yıldan şöğellänä başlağan, Yazuçılar berlege äğzası.
Anatoliy Petuxovnıñ icatı barı tik veps materialı belän genä çiklänmi. Şul uq waqıtta anıñ äsärläreneñ milli öleşe yuğalmıy, ğomumkeşelek kontekstında qarala. Petuxov stilenä ğadilek, añlayışlılıq häm cirle söyläşlärne aqıllı qullanu xas[2].
Petuxov icatınıñ tağın ber möhim teması — keşeneñ tabiğät belän bäyläneşe. Anatoliy Petuxov yazğan balalar öçen kitaplarda ul töp urınnı alıp tora. Yazuçınıñ veps telendä berençe äsärläre balalarğa häm tabiğätkä bağışlanğan.
Veps älifbasın buldıru başında torğan, veps tele süzlegeneñ berençe akademik basmasın möxärrirlägän, veps balaları öçen däresleklär äzerläwdä qatnaşqan.
Däwlät eşçänlege үзгәртү
1990 yılda Anatoliy Petuxov RSFSRnıñ xalıq deputatı itep saylanğan häm Yuğarı Sovetta az sanlı cirle xalıqlarnı üsterü buyınça komissiä räise urınbasarı bulıp eşlägän. Rossiä Yuğarı Sovetınıñ Millätlär Sovetı äğzası (1990—1993). Xalıqlar Duslığı ordenı belän büläklängän.
İskärmälär үзгәртү
- ↑ Указ Президента Российской Федерации от 28 июня 1994 года № 1357 «О награждении орденом Дружбы народов Петухова А. В.».
- ↑ Кузнецова Н. И., Мещерякова М. И. // Русские детские писатели XX века: Биобиблиографический словарь. — М.: Флинта; Наука, 1997. — С. 340. — ISBN 5-02-011304-2.
Ädäbiät үзгәртү
- Духан Я. С. Петухов Анатолий Васильевич // Русские детские писатели XX века: Биобиблиографический словарь. — М.: Флинта; Наука, 1997. — С. 339—340. — ISBN 5-02-011304-2.
Sıltamalar үзгәртү
- Анатолий Петухов // «Фольклорно-литературное наследие Русского Севера»
- Анатолий Петухов 2016 елның 6 март көнендә архивланган. // «Охотничьи просторы».