Әлфинур Вахитова

Әлфинур Вахитова
Әлфинур Вахитова
Тугач бирелгән исеме:	Әлфинур Зариф кызы Вахитова
Туу датасы:	20 ноябрь 1931
Туу урыны:	СССР, РСФСР, БАССР, Мәләвез районы, Килтәй
Үлем датасы:	20 май 2021 (89 яшь)
Үлем урыны:	РФ, БР, Уфа
Ватандашлык:	СССР→; РФ
Эшчәнлек төре:	журналист, язучы
Иҗат итү еллары:	1962―2021
Юнәлеш:	публицистика, поэзия, проза
Жанр:	хикәя, тәрҗемә, инсценировка, әкият
Иҗат итү теле:	башкорт
Дебют:	«Чәчәк ата гөлләрем» (1962)
Бүләкләр:	БАССР атказанган мәдәният хезмәткәре

Әлфинур Зариф кызы Вахитова (кыз фамилиясе Әхмәлетдинова, баш. Әлфинур Зариф ҡыҙы Вәхитова, 1931 елның 20 ноябре, СССР, РСФСР, БАССР, Мәләвез районы, Килтәй ― 2021 елның 20 мае, РФ, БР, Уфа) — балалар шагыйре һәм журналист, Россия Федерациясе һәм Башкортстанның Язучылар берлекләре әгъзасы (1994). БАССР атказанган мәдәният хезмәткәре (1986).

Википедиядә Вахитов фамилияле башка кешеләр турында мәкаләләр дә бар.

Биографиясе үзгәртү

1931 елның 20 ноябрендә БАССР Мәләвез районы Килтәй^[1] авылында туган. Сарыш, Йомагуҗа авыллары мәктәпләрендә белем ала. Йомагуҗа урта мәктәбен тәмамлаганнан соң, бер ел Йомагуҗа районы үзәк хастаханәсе амбулаториясендә эшләгән. Салават медицина училищесын, «Журналистика» белгечлеге буенча Үзәк комсомол мәктәбен (1959) тәмамлаган^[2].

1953―1956 елларда Мәләвез районының Әбит, Түбән Таш, Әлемгол авыллары мәктәпләрендә балалар укыта.

1958―1959 елларда «Совет Башкортстаны» газетасы хезмәткәре.

1959―1993 елларда «Йәншишмә» газетасында эшли.

2021 елның 20 маенда Уфада вафат.

Иҗаты үзгәртү

Балалар шигърияте өлкәсендә иҗат итә. Шигырьләре республика газеталарында еш басыла. 1962 елда Башкортстан китап нәшриятында «Чәчәк ата гөлләрем» исемле беренче китабы чыга. 1994 елда БР Язучылар берлегенә кабул ителә^[2]. «Күчтәнәч» (1966), «Кем гаепле?» (1975), «Хат яза беләм» (1983) һ. б. шигъри җыентыкларында хезмәткә, тәбигатьнең һәм тормышның матурлыгына дан җырлый.