Юрий Кулагин (1924)
Кулагин Юрий Александрович (1924—1987) — ССРБ галиме, психолог һәм дефектолог, психология фәннәре докторы (1968), профессор (1971), ССРБ педагогия фәннәре академиясенең мөхбир әгъзасы (1985).
| Җенес | ир-ат |
|---|---|
| Ватандашлык |
 СССР |
| Туу датасы | 6 июль 1924 |
| Туу урыны |
Владимир өлкәсе Ковров, Ковровский уезд[d], Владимир губернасы, РСФСР, СССР |
| Үлем датасы | 2 июль 1987 (62 яшь) |
| Үлем урыны | Мәскәү, СССР |
| Һөнәр төре | психолог |
| Эш урыны | фәнни-тикшеренү институты[d] |
| Әлма-матер | Мәскәү дәүләт университеты |
| Гыйльми дәрәҗә | профессор |
| Академик дәрәҗә | психология фәннәре докторы[d] |
| Бүләкләр |
     |
Күп кенә гыйльми хезмәтләр авторы, шуларның кайберләре чит илләрдә басылып чыккан.
Биографиясе үзгәртү
Юрий Александрович Кулагин 1924 елның 6 июлендә Владимир өлкәсенең Ковров шәһәрендә укытучылар гаиләсендә туган.
1941 елда мәктәпне тәмамлый, 1942 елның июленнән. Бөек Ватан сугышында катнаша[1], аны Көнчыгыш Пруссиядә тәмамлый. Аннары совет-япон сугышында катнаша. Армиядән демобилизацияләнгәч, туган шәһәренә кайта һәм Пионерлар йорты мөдире булып эшли[2]. 1947 елда М.В.Ломоносов исемендәге Мәскәү дәүләт университетының фәлсәфә факультетының психология бүлегенә укырга керә, аны 1952 елда отличие белән тәмамлый. Шушы ук елда дефектология институтының Гыйльми-тикшеренү институтында аспирантурада укуын дәвам итә[3] (хәзер Россия Мәгариф академиясенең коррекцион педагоглык институты), аны бетерү белән «Осязательное восприятие предметов слепыми детьми» темасы буенча ул кандидатлык диссертациясе яклый[4].
Диссертация яклаганнан соң Ю.А.Кулагин Дефектология институтында гыйльми хезмәткәр һәм лаборатория мөдире булып эшли. 1963 елдан институтның гыйльми секретаре, ә 1968 елдан гыйльми эшләр буенча директор урынбасары булып эшли. Шушы ук елда ул «Восприятие средств наглядности учащимися школы слепых» темасына докторлык диссертациясе яклый[5]. 1986-1987 елларда Кулагин Дефектология институты директоры вазифасын башкара. 1985 елдан ССРБ Педагогия фәннәре академиясенең психология һәм яшь физиологиясе бүлеге академигы, 1978 елдан әгъза-корреспондент; 1986-1987 елларда академик-катиб була.
Юрий Александрович «Дефектология» журналының беренче баш мөхәррире, ә аннары редколлегия әгъзасы була, дефектология буенча ССРБ Мәгариф министрлыгының фәнни-методик советын җитәкли, ССРБ Югары аттестация комитетының эксперт советында дефектология вәкиле була. Дефектология проблемалары буенча берничә халыкара конгресслар, симпозиумнар һәм конференцияләрнең эшендә катнаша[6].
Октябрь Инкыйлабы ордены, Халыклар Дуслыгы, Кызыл Йолдыз һәм II дәрәҗә Ватан сугышы орденнары, шулай ук күп кенә хәрби медалләр[1] һәм ССРБ ВДНХ-сының бронза медале белән бүләкләнә (сукырлар өчен приборлар булдырганы өчен)[2].
Ю.А.Кулагин 1987 елның 2 июлендә Мәскәүдә вафат була.
Искәрмәләр үзгәртү
- ↑ 1,0 1,1 КУЛАГИН ЮРИЙ АЛЕКСАНДРОВИЧ, archived from the original on 2021-10-16, retrieved 2021-10-16
- ↑ 2,0 2,1 Юрий Александрович Кулагин
- ↑ Об институте
- ↑ Автореферат диссертации на соискание ученой степени кандидата педагогических наук (по психологии)
- ↑ Автореферат диссертации на соискание ученой степени доктора педагогических наук (по психологии)
- ↑ Кулагин Юрий Александрович (1924—1987)