Эрнст Альбрехт фон Эберштейн
Барон Эрнст Альбрехт фон Эберштейн (алман. Ernst Albrecht von Eberstein; 6 июнь 1605, Гехофен — 9 июнь 1676, Нёйхауз) — утыз еллык сугыш вакытында алман хәрби башлыгы, җимеш бирүче җәмгыяте әгъзасы. Даниянең Югары Фил ордены кавалеры.
| Эрнст Альбрехт фон Эберштейн | |
|---|---|
 | |
| Туу датасы | 6 июнь 1605 |
| Туу урыны | Гехофен, Кифхойзер, Түрингия, Изге Рим империясе |
| Үлем датасы | 9 июнь 1676 (71 яшь) |
| Дәрәҗә | фельдмаршал[d][1] |
Биография үзгәртү
Э. А. фон Эберштейн франкон барон нәселеннән булган. 11 яшеннән ул Голландия армиясенең генерал-лейтенанты булган әнисе ягыннан абыйсы тәрбияләнгән, һәм Нидерландта яшәгән. Эрнст үзенең абыйсының свитасында озын сәяхәтләр ясаган. 1620 елның ноябрендә ул Ак тау янындагы сугышка шаһит булган. Аннары ул графлар фон Мансфельд һәм Штольбергның пажасы була.
1623 елдан фон Эберштейн утыз еллык сугыш вакыйгаларында турыдан-туры катнашкан. Башта ул Иоганн Церклас Тилли армиясендә хезмәт иткән, ә 1625 елдан — Швед гаскәрләрендә.
1630 елдан фон Эберштейн Саксен-Веймар герцогы Вильгельмның камергеры булган.
1632 елда ул Гессен-Кассель ландграфы Вильгельм V армиясендә майор булган һәм империяле һәм испан гаскәрләренә каршы сугышкан.
1637 елдан фон Эберштейн яңадан Швед хезмәтендә фельдмаршал Юхан Банерда булган.
1643 елда ул Гессен-Дармштадт герцогына хезмәт итәргә күчкән һәм Гиссен ныгытмасының коменданты булган. 1646 елда генерал-лейтенант булган һәм Швед һәм Гессен-Кассель отрядларына каршы сугышкан. 1648 елда фон Эберштейнга империяле армиянең генерал-фельдмаршалы исеме бирелгән.
Вестфаль тынычлыгы төзелгәннән соң фон Эберштейн Түрингиядәге үз поместьеларына киткән.
1657 елдан ул Даниядә була, анда король фельдмаршалы буларак Швед гаскәрләренә каршы сугышкан. Ганс фон Шак белән берлектә, фон эберштейн 1659 елның ноябрендә Нюборг янындагы сугышта Швед армиясен тар-мар итә алган.
Соңрак Саксон хезмәтендә фельдмаршал дәрәҗәсендә булган, Саксониянең Яшерен һәм Хәрби советлары әгъзасы булган.
1665 елдан Түрингиядә үз биләмәләрендә яшәгән.
Искәрмәләр үзгәртү
- ↑ English Wikipedia community Wikipedia — 2001.
Әдәбият үзгәртү
- Louis Ferdinand von Eberstein. Beschreibung der Kriegsthaten des Generalfeldmarschalls Ernst Albrecht von Eberstein. — Dresden, 1890.
- Louis Ferdinand von Eberstein. Geschichte der Freiherren von Eberstein und ihrer Besitzungen. — Sondershausen, 1865.
- Theodor Henner. Eberstein, Ernst Albrecht von // Allgemeine Deutsche Biographie (ADB). — Leipzig: Duncker & Humblot, 1875—1912.