Тампере
Та́мпере (фин. Tampere [ˈtɑmpere], швед. Tammerfors [tamərˈfɔrs] — Финляндиянең Һелсинкидән соң икенче зур шәһәре. Тампере (Таммерфорс) Тампере эреләр рәтеннән саналса да, биредә нибары 200 мең кеше яши.
Тампере | |
---|---|
Ил | Финляндия |
Район | Көнбатыш Финляндия |
Координатлар | 61°29'53"тн, 23°45'36"кнч |
Шәһәр башлыгы | Тимо Ниеминен |
Нигезләнгән | 1775 |
Элеккеге исемнәр | швед. Tammerfors |
Мәйдан | 689,59 км² км² |
Халык саны | 213 315 кеше |
Сәгать кушагы | UTC+2 |
Рәсми сайт | tampere.fi |
Кардәш шәһәрләр | Каунас[1][2][3] һәм Киев[4][5][1][…] |
Тампере илнең көньягында, ике зур күл арасында урнашкан. Шәһәргә нигез 1775 елны салына. Швеция патшасы Густав биредә сәүдә бистәсен нигезләргә әмер бирә. 1905 елда Таммерфорста Россия социал-демократлар фиркасенең 1нче оештыру корылтае уза. Биредә әле дә В.И. Ленин музее эшли.
Тампере башкаладан ерактарак, пуез белән 2 сәгать барасы. Бу шәһәр зур сәнәгать үзәге булып санала, фабрикалар күплегенә ишәрәләп, Финляндиянең “Манчестер”е дип тә йөртәләр. Шул ук вакытта шәһәрдә яшеллек күп. Тампере илдә тору өчен иң уңайлы шәһәр санала.
Тампере татарлары үзгәртү
Укытучы Муаззез апа язган “Тампере Ислам мәхәлләсе: нигезе һәм тарихы” китабы буенча Тамперега татарлар 1890нчы елларда килеп урнашалар. Совет-фин сугышыннан соң басып алынган Выборг татарлары да бирегә килеп урнаша. 1930нчы елларда ел саен Тукай кичәләре оештырыла. 1943 елда мәхәллә пәйда була.