Рахш
Рахш (фарсы телендә: رخش, мәгънәсе "балкышлы") ул могъҗизалы айгыр - фарсы милли эпосында, Фирдәүси шагыйренең Шаһнамәсендә күренекле каһарман Рөстәмнең кыю һәм тугъры аты.
Рахшның төсе "зәгъферан туфрагында таралган роза яфраклары" дип тасвирлана һәм ул беренче мәртәбә Рөстәм тарафыннан Забулистан һәм Кабулдан китерелгән ат табыннары арасында күреп алынган булган. Бу беренче очрашуда Рахш фил көченә ия арслан күкрәге һәм иңбашлары белән куәтле колын итеп тасвирлана. Ул бик акыллы һәм аның тугърылыгы риваятьләрдә сөйләнә. Рөстәмнән башка беркем дә Рахшка атланып йөрми, һәм Рахш хуҗасы итеп Рөстәмнән башка беркемне дә танымый. Шулай ук ул Рөстәм атланып йөри алган бердәнбер ат, чөнки аның көче һәм авырлыгы башка атларны үтерә алган.
Рөстәмне саклаучы илаһи алкышка күрә, Рахш гадәти булмаган озын тормыш яши. Рөстәм һәм Рахш икесе дә Рөстәмнең үги иртуганы Шагһад хыянәтенә күрә үлә.
Raḵšā (Рахша) Арамей телендә ат дигәнне аңлата.[2]