Марс Рәмиев
Марс Камил улы Рәмиев — ССРБ хуҗалык, дәүләт һәм сәяси эшлеклесе.
| Җенес | ир-ат |
|---|---|
| Туу датасы | 26 май 1936 |
| Туу урыны | Ташугыз, Төрекмәнстан ССР, СССР |
| Үлем датасы | 19 август 2003 (67 яшь) |
| Сәяси фирка әгъзасы | Советлар Берлеге коммунистик фиркасе |
| Бүләкләр |
 |
Биографиясе үзгәртү
Марс Камил улы Рәмиев 1936 елның 26 маенда Төрекмән ССРның Ташкавыз шәһәрендә туган. КПСС әгъзасы.
1954 елдан — хуҗалык, иҗтимагый һәм сәяси эштә.
Хезмәт эшчәнлеген 1954 елда Ташауз шәһәрендә яшь техниклар станциясенең авиамодель эше буенча инспектор булып башлый[1].
1955 елда Казан авиация институтына укырга керә, аны тәмамлаганнан соң, 1961 елда Казан вертолет заводына җибәрелә, анда остадан башлап агрегат-җыю цехы начальнигына кадәр юл үтә.
Яхшы техник белемнәре һәм җитештерү тәҗрибәсе булган оста оештыручы буларак, М.К.Рәмиев 1969 елда Казан вертолет заводы парткомы секретаре итеп, ә 1971 елда КПССның Киров райкомының беренче секретаре итеп сайлана.
1978-1979 елларда М.К.Рәмиев — КПССның Бөгелмә шәһәр комитеты беренче секретаре, 1979-1983 елларда - КПССның Казан шәһәр комитеты беренче секретаре.
1983 елдан М.К. Рәмиев хуҗалык эшләрендә була: ТАССРның ягулык сәнәгате министры булып эшли, аннары 1994 елга кадәр - Татар территориаль урман ягулыгы җитештерү берләшмәсенең генераль директоры.
М.К.Рәмиев зур иҗтимагый эш алып бара: 8-9 чакырылыш Югары Советы депутаты, Казан шәһәр Советы депутаты итеп сайлана. 10 нчы чакырылыш РСФСР Югары Советы депутаты булып сайлана.
Аның хезмәт казанышлары югары дәүләт бүләкләре — өч Кызыл Байрак Хезмәт ордены һәм медаль белән билгеләп үтелә[2].
2003 елда Казанда вафат була.
Искәрмәләр үзгәртү
- ↑ Рамеев Марс Камилович
- ↑ Общественно-политическая газета © Газета Республика Татарстан 2022 елның 13 гыйнвар көнендә архивланган.
Сылтамалар үзгәртү
- Рамеев 2022 елның 13 гыйнвар көнендә архивланган.